Latest News

Mi 53 la khunghrang mek

Serchhip District chhungah COVID-19 a luh lohna tur leh he hri alo luh palh pawha a darh lohna tura hmalak kal zelah rampawn atanga Serchhip District chhunga rawn lut te chu khunghran chhunzawm zel an la ni a. Nimin thleng khan Serchhip District chhungah hian mahni In lama inkhunghrang (Home Quarantine) mi 14 leh saw-kar in inkhunghranna tur hmun a siam, Facility Centre-a khunghran mi 39 an awm mek a ni.
Health Department hotute chuan tunhnaia NE State thenkhat atanga Serchhip District mi rawn hruai haw te chu ni 14 chhung Facility Centre-a khung hran tur an nih thu sawiin, hemi hnu an hriselna dinhmun enfiaha COVID-19 hri kai rin-hlelh an nih loh chuan chawlhkar khat chhung anmahni In lama inkhunghrang tura chhuah tir an nih dawn thu leh pawn lama an lenchhuah erawh phalsak an nih dawnloh thu an sawi bawk.

Comments

Popular News (Last 30 Days)