PPE lei dan chhui dawn

Mizoram Lokayukta chuan COVID-19 dona hmanrua, Personal Protective Equipment (PPE) leh hmanraw dang lei chungchanga thil fello lian tak a awm ngei ni a sawi chungchang chu chhuifiah a remti.

Nimin-a Mizoram Pradesh Congress Committee (MPCC) thuchhuahin a tarlan danin, May ni 1, 2020-a MPCC Media Department Secretary C. Lalhriatpuia hming-a FIR an thehluh chungchang ah, May 19, 2020 khan order tichhuakin, Anti-Corruption Bureau (ACB) chu Preliminary Enquiry nei tura hriat-tir a nih thu an tarlang a. MPCC chuan ACB-a FIR thehluh hi Lokayukta chuan ngun taka a ngaihtuah hnuah Management lamah fello lian tak a awm nia ngaiin, Prevention of Corruption Act, 1988 hmanga chhui zui tlak nia a hriat thu leh ABC chu chhui chiang tura a hriattir thu tarlan a nih thu leh Investigation report chu a rang thei ang bera Lokayukta a thehlut turin a hriattir a nih thu an tarlang bawk.