Fee lak tum chungchang Minister hnenah thlen

COVID-19 vanga inkharkhip a kan awm mek laia Mizoram Independent School Association (MISA) in zirlaite Fees lak an tum chungchang chu MSU chuan School Education Minister hnenah an thlen.
Mizo Students’ Union (MSU) General Hqrs. chuan nimin khan Executive Meeting neiin COVID-19 vanga inkharkhip a kan awm mek laia Mizoram Independent School Association (MISA) hnen atanga zirlaite fees lak tumna a awm chu mak an tiin zirlaite a barakhaih hle tih an sawi a. Lock-down chhungin zirna In khar vek a ni si a, chuti chunga zirlaite hnen atanga Fee lo lak tum a ni chu a hrethiam lo takzet tih sawiin, School Education Minister hnenah ngenna a thlen nghal tih an sawi. Hemi hmalam  April 29, 2020-a MISA OB Meeting chuan an Association member zirna In te chuan inkharkhip avanga zirna In khar ni mahse, an inenkawlna senso hrang hrang, In luahman te, thawktute hlawh te leh thildang mamawh hrang hrang an neih avangin zirlaite fee hi a ngai anga lak an rel a ni.
MSU chuan Fees chungchangah hian kum 2013 khan Mizoram sawrkar nen inremna an lo nei tawh tih sawiin, Mizoram-in hun harsa a tawh lai hian MSU chuan sawrkar chu zirlaite ngaihtuah reng chunga hma la vat turin an phut thu an sawi a, Zirlaite chu Consumer an nih anga an chanvo leh dikna humhalh sak turin an ngen a. Mizoram khaw hrang hrang a Private School neitute leh thawktute pawh lockdown chhung chu zirlaite hnen atanga Fees la lo turin a ngen bawk. MSU chuan lockdown chhunga zirna In engemaw zatin Online class an kalpui chu lawmawm an tih thu leh zirtirtu te inpeknaah lawmthu an sawi a. Lockdown chhunga zirlaite Fees la lo zawng zawng School te chungah zirlaite aiawhin lawmthu an sawi bawk.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn