CM thusawi thin thutak a nihloh zia nemnghet niin sawi

Congress Thalaite chuan Sawrkar hnathawkte, Minister leh MLA hial te hlawh cut tura ruahmanna siam a ni ta chuan Chief Minister in Central a pawisa tam zia a au pui chiam thin, pawhluh dan thiam riaua a insawi thin chu thutak a nih lohzia a nem nghet niin an sawi.

Nimin a thu-chhuah an siamah MPYCC chuan COVID-19 dolet nana Mizoram sawrkar in ama budget atanga pawisa tam tham hman a la nei lo chung te, Central sawrkar atanga Disaster Relief Fund leh DoNER atanga nuai sang tam tak a hmuh te, CM's Relief Fund atanga mi inphal ten vaibelchhe tel tuikhurpui-a an chhunluhpui a, sum tamzia sawi a ni reng chung pawha Finance Minister, Zoramthanga, sawrkar hnathawk a te ber atanga a lian ber thlengin tuikhurpui kangchat nghahpui a, tui chawi pui a ngai ta chu lungchhiatthlak an tih thu an tarlang bawk.