IMR-ah Mizoram in hma sawn

Sample Registration System (SRS) Bulletin, May 2020 in a tarlan danin Mizoram chu India ram pumah nausen (nau piang hlim atanga kum khat hnuailam) thihna tlem berna dawttu a ni.
SRS Bulletin, May 2020 in a sawi danin Mizo-ram hi report hnuhnung berah, nausen piang 1,000 zela thi zan (IMR) 15 thi ni thin chu 5 a lo ni ta a. India rampumah Mizoram chu a hniam ber dawttu ah a awm a, pakhatna chu Nagaland State a ni a, nausen piang 1,000 zela thi zat chu 4 a ni thung. Report thar berah hian Mizoram dawtah Goa leh Kerala bakah Sikkim te chu nausen piang-hlim thi tlemna an ni a, naupiang sangkhat zela 7 chauh thi ang an ni.
Sawrkar thuchhuahin a sawi danin India ram pumah Mizoram chu nausen thi zat tihhniam kawnga hmasawn ber leh rate tlahniam ber a ni a, point 10 zetin a tlahniam a, kum 3 chhungin Mizo-ram chu point 27 zetin a tlahniam tihna a ni. Health & Family Welfare Department chuan mipuite tawiawmnaah lawmthu sawiin, tangrual zel turin an ngen nghal bawk a. Khawvelin hriselna leh hmasawnna kawnga a tehfung pawimawh berte zing ami chu Nausen pianghlim atanga kum khat hnuai lam thi tlem leh tam dan hi a ni tih an sawi bawk. 

Comments

Chhiar Hlawhte