Chanchin thar thenkhat :

Minister in ramri-a duty tlawh

Tourism Minister, Robert Romawia Royte chuan nimin khan COVID-19 vanga Mamit District chhunga Tripura leh Assam ramri-a duty te a tlawh. Mamit District tlawhtu Tourism Minister hi Mamit DC leh khawtlang hruaitute chuan lo dawngsawngin, Minister chuan Mamit District chu District dawmkan ngai-Aspiration District leh Minority Concentration Area a Central Sawrkar in a puang chungin tunhma zawng khan a phu tawk angin hmasawnna a hmu tawklo tih a sawi. Minister hian Tripura leh Assam ramri veng-a hmun hrang hranga duty VLTF te tlawhin, Mizo tlawmngaihna nena duty te chu sawrkar chuan a fakin a chhuang takzet tih a sawi bawk. Minister hian Hachhek tlangdung-a VLTF te hnenah Rs. 10,000/- theuh pein Taitesena Group YMA leh Langkaih Group YMA te hnenah PPE Set, Hand Sanitizer , Hand Glove leh Mask bakah Rs. 50,000/- ve ve a pe bawk.

Thlawhna la service theilo
Tunkar Ningani atanga Lengpui leh Kolkata inkar-a khualzin phur thlawhna (Domestic flight) thlawk tura beisei Air India thlawhna te chu thu leh awm hma chu thulh rih a ni. GAD (Civil Aviation) Principal Consultant, Wing Commander J. Lalhmingliana chuan hemi chungchang hi Air India hotuten Lengpui Airport Station Manager te an hriattir thu a sawi a. Principal Consultant chuan West Bengal a thuneituten Cyclone Amphan in West Bengal a nuai avanga Airport-ah pawh chhiatna engemaw zat a thlen avang leh rokhawlhna hrang hrang avanga May ni 30 thleng West Bengal ah domestic flight te thlawk rih lo tura ngenna an siam avangin Kolkata-Imphal-Aizawl Sector thlawhna te chu an thlawh theih hun tur sawi lawk theih a nih rihloh thu a sawi bawk.

Cheng vbc. 7.89 lut tawh
COVID-19 hripui leng dona atana hmalakna atan nimin tlai dar 3:00 thleng khan Chief Minis-ter's Relief Fund-a mi tlawmngai te sum chhunluh chu cheng vbc. 7.89 a tling tawh.

CYLA in DC hnenah hlan
Central YLA hruaitute leh Lawngtlai District Bawrhsap, Shahshanka Ala-i te chu nimin khan Lawngtlai-a CYLA Office-ah inkawmin COVID-19 hri leng dona kawnga hma lak dan hrang hrang an thlirho a. Lawngtlai-a Quarantine Facility hrang hranga hman tur mutbu leh mamawh dang hrang hrang Lawngtlai-a mi thahnem ngaite thawhkhawm chu Central YLA hmalaknaa khawnkhawm niin Blanket 278, Bedsheet 331, Mattress 126, lukham 110, Lukham kawr 42, Thingpui no 35, Tui no 20, Bucket 13, Thleng 2 leh insukna Brush 1 bakah Rs. 7500/- chu DC hnenah hian hlan a ni a. CYLA hruaitute chuan COVID-19 dona kawngah sawr-kar chu theihtawp chhuaha thawhpui zel an tum thu an sawi bawk.

KVK-a thawktute kawm
Khawzawl District Bawrhsap, H. Lianzela chuan nimin khan Krishi Vigyan Kendra (KVK), Khawzawl tlawhin KVK-a thawktute nen Farmers Training Hall-ah inkawmna an nei a, he hunah hian Khawzawl District Bawrhsap chuan khawvel pum-a COVID-19 hripui leng mek avangin ei leh barah harsatna a thleng chho thei dawn tih sawiin, Agriculture lamah tanlak nasat a tul thu a sawi a. FCI buhfai chhekkhawl sa avangin tunah hian ramin ei leh barah har-satna tawk lo mahse chhekkhawl sa hi a zawh hunah chuan hmabak a thim hle dawn tih sawiin, ei leh bar tam zawk thar chhuak thei turin tun atanga hmalak a tul thu leh KVK mithiam ten an thiamna an hman a tul thu a sawi bawk.

Comments

Chhiar Hlawhte