COVID-19 kai hmuhchhuah enkawl dam pung zel

Zonuna Kawlni /
Sawrkar laipui-a Health and Family Welfare Ministry chuan India rama COVID-19 hri kai 60,490-te chu enkawl dam an nih tawh thu sawiin, hei hi hri kai hmuhchhuah tawh atangin zaa 41.60 an tling a ni.
Ministry of Health & Family Welfare in an chhinchhiahna atanga a lan danin nimin thleng khan India ramah COVID-19 kai hmuhchhuah hi mi 145,379 tling tawhin hri kai hmuhchhuah tawh zinga 60,490 enkawl dam an ni tawh a, hri kai enkawllai mi 80,722 an awm mek bawk. Hetihlai hian he hri kai zingah nunna chan mi 4167 awm bawkin hei hi hri kai hmuhchhuah atangin zaa 2.86 a ni thung a ni.
Hetihlai hian Indian Council of Medical Research (ICMR) chuan ramchhunga COVID-19 Sample endik tawh zat chu 31,26,119 a ni tawh tih a sawi a. ICMR chuan COVID-19 Sample endik theihna phalna pek belh zelin tunah hian sawrkar Laboratory 430 leh Mimal Laboratory 182, a zavaiin Laboratory 612 chu COVID-19 Sample endik phalna pek an ni tawh a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »