Chennai atangin Mizoram-ah mi 994 rawn haw

Rampum-a inkharkhip kalpui a nih avanga Mizoram mi leh sa State hrang hranga tangkhang te chu hruai haw mek niin nizan khan Chennai atangin mi 994 te chuan Mizoram an rawn pan.
Nizan-a Mizoram pana rawn haw te hi Tamil Nadu State-a awm mi 975 leh Puducherry-a awm mi 19, an vaiin mi 994 te an ni a, heng mite hi Rel hmanga rawn haw in nizan dar 11:00-a an rawn chhuah hnuah kawnglak ah din khawmuan awm lovin an rawn tlan char char anga, tunkar Zirtawpni zing dar 9:30-ah Bairabi Rel Station rawn thleng tura beisei an ni.
Tun tuma Tamil nadu atanga rawn haw tur mi 975 te hi Aizawl District mi 404, Lunglei 48, Serchhip 34, Kolasib 50, Champhai 87, Siaha 139, Mamit 93, Lawngtlai 54, Khawzawl 14, Hnahthial 21 leh Saitual District mi 31 an ni a. Rel in Bairabi a lo thlen velah Screening point 10 hmanga endik an ni anga, hemi hnu hian Bairabi paltlang lo thei ang berin an awmna tur panpui nghal vek an ni dawn a ni.

Comments

Chhiar Hlawhte