Khunghran awm belh zel

COVID-19 avangin Serchhip District-ah In lam leh sawrkar hmun siam-a khunghran mi 45 chhinchhiah mek niin heng zingah hian  nimin-a sawrkar hmun siam-a khunghran mi 6 te chu chhiar tel an ni lo thung.

Serchhip CMO Office atanga thu kan dawn danin nimin khan Serchhip District chhunga Quarantine Facility Centre-a awm mi 3 te chu an awm hun tur a zawh avangin chhuahtir an ni a, heti hian sawrkar hmun siam-a awm mek chu mi 35 an ni ta a, hei bakah hian mahni In lama khunghran mi 10 awmin heng mite nen hian Serchhip District chhunga khung-hran hi mi 45 an ni mek a chhinchhiah a ni.

Hetihlai hian nimin khan Jharkhand atanga rawn haw mi 6 te chu Tourist Lodge-a Facility Centre-ah dahluh leh an ni a, heng mite hi nimin-ah ziahluh thar an nih avangin Report-ah erawh an lang hman lo a, Vawiin lama report tihchhuah ah chuan an tel hman dawn a ni.