Article ziak lawmman sem

MZP buatsaiha Serchhip District chhunga zirlaite tana Lockdown chhunga Article inziah-siak chu zawhfel niin lawmman pawh sem nghal a ni.

MZP Hqrs. Serchhip in Serchhip District chhunga zirlaite tana Lockdown chhunga hunawl hnawhkhah nan leh an rilru sawizawi nana Article inziahsak a buatsaih result hi niminpiah khan puangin lawmman dawngtute hnenah lawmman pawh hlan nghal a ni a. He intihsiakna hi hlawm thum-ah then niin Category-I (Primary & Middle School Section)-ah 'Bible a ka mi ngaihsan zawng leh a chhan' tih thupui hmanga inziahsiakna ah R. Lallianpuia s/o R. Lalrinmawia, Class-VI Presbyterian English School, Serchhip chu pakhatna niin K. Malsawmzeli d/o K. Zorem-siama, Class-V Little Flower Convent School, Serchhip chu pahnihna a ni a, Lalthatpuia s/o Kapliana Pachuau, Class-V Goodwill English Academy, Serchhip chu pathumna a ni bawk.

Category-II (High School & Higher Secondary Section)-ah 'Kan hnam pasaltha zinga ka ngaihsan leh a chhan' tih thupui hmanga Article inziahsiak niin Lalchhanchhuahi d/o Thanhnuna, Class-X Govt. Serchhip H/S chu pakhatna niin C. Lalnunpuia s/o Hranghnuna, Class-XII (Section-B) Govt. HSS, Serchhip chu pahnihna a ni a, Lalliansangi Sailo d/o Parliana Sailo, Class-XII (Section-C) Govt. HSS, Serchhip chu pathumna a ni bawk. Category-III (College) erawh Mizo-ram pum intihsiakna a nih avangin Serchhip-ah lawmman sem a ni ve lo thung a ni.