Kohhran hrang hrang 168 ten COVID-19 inkhung-hranna atan an Kohhran Hall hman an remti

/
Mizoram-a Kohhran hrang hrang 168 te chuan COVID-19 avanga inkhunghranna atan an Kohhran Hall hman an remti tawh.
He thu hi COVID-19 dona tura sawrkar in a din, Task Group on Quarantine Facilities-a Chairperson, Esther Lal Ruatkimi chuan sawiin, tunah hian Mizoram pawn atangin mi singkhat chuang lo haw tur an awm mek thu leh, Mizoram pumah Quarantine Facility hrang hrang mi 20000 len theihna tur mamawh a nih laiin tunah hian mi 143,58 len theihna kan nei mek tih a sawi a, Sawrkar building hrang hrang te bakah, Kohhran School hrang hrang leh Kohhran Hall hrang hrang te Quarantine Facility atan hman mek a nih thu bakah Task Group on Quarantine Facilities chuan a dap belh mek thu a sawi bawk. Tunah hian Presbyterian Kohhran, Baptist Kohhran, Salvation Army, Lairam Isua Krista Baptist Kohhran, Evangelical Church of Maraland, United Penticostal Church (NEI) leh United Penticostal Church (MZ) hnuaia Kohhran hrang hrang 168 ten inkhunghranna atan an Kohhran Hall hman an remti tawh tih pawh sawiin, COVID-19 avanga ram-in harsatna a tawh mekah LLTF te, VLTF te leh Kohhran hrang hrangte bakah mipuite hnenah lawmthu sawiin, heng Quarantine Centre hrang hrang, Sawrkar leh Kohhran hmunhmaa khunghran (quarantine) mekte hi LLTF leh VLTF ten thahnemngai taka enkawla, theihtawp an chhuahnaah Mizoram Sawrkar in lawmthu a sawi thu a sawi bawk.
Quarantine Centre-a awm te ei leh in man hi nikhat atan Rs. 300/- zel a ni a, Kohhran thenkhat chuan Sawrkar chhawk zangkhaiin Quarantine Centre-a awmte tan ei leh in an lo tum sak a. Sawrkar chuan Kohhran hrang hrang hnenah hian lawmthu sawiin, heng bakah hian Hotel-a man chawia inkhunghrang an awm mek bawk.
Home Quarantine chungchangah hian Screening Test paltlang tawh, mahni In-a Room hrang leh inthiarna hrang nei thei tan Home Quarantine a theih tih sawrkar thuchhuah chuan tarlangin, Local Task Force te remtihna erawh a ngai thung a. Mahni awmna District Deputy Commissioner-ah theuh dilna hi thehluh tur a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »