Khawthlang lamah Police tirh belh dawn

COVID-19 hripui darh tur vengtu tura beih-pui thlak mekah Mizoram khawthlang lam ramri venna kawnga thawk mekte thuamchak turin tunkar chhung hian Police tirhluh belh tum a ni a, Police 4 chu hripui donaa an duty laiin an thi tawh.

Nimin-a IGP (Law & Order), LH. Shan-liana hova Police Officer-ten Aizawl SP Conference Hall-a COVID-19 darhzel tur venna kawnga Police te hnathawh dan thlirhona-ah he thu hi tarlan a ni a. Khawthlang lam, a bikin Tripura leh Assam nena inrina Kanhmun a tunhnai atanga bungraw phur lirthei luh phal takna hmun leh a chhehvela dah turin Police-te hi thawn an ni dawn a ni.

He huna tarlan a nih danin Mizoram Police te hian COVID-19 kaihhnawih duty bakah Police hna kallai dang - Police Stations, hmun pawimawh ven hna, mi pawimawhte ven hna, Battalion Out Post te leh Police office hrang hrangte nitin chawl lovin thahnem ngai takin an thawk reng bawk tih he hunah hian tarlan a ni a. COVID-19 dona a duty laiin nunna chan Police 4 awm tawhin chung te chu Const. Lalduh-thlana Chhangte, (2nd Bn MAP); Hav. F. Lal-thansanga (2nd Bn MAP), Const. Laltanpuia (Security Unit) leh Const. Eddie Saizamliana (5th IR Bn) te an ni tih tarlan a ni a. Nimin a ram venhimna chungchang thlirhona inkhawmah hian mitthi te sunna hun hman a ni bawk.