Lirthei document thi te ngaihhnathiam dawn

Transport Minister, TJ. Lalnuntluanga chuan COVID-19 hrileng mek avanga lirthei neituten Chhiah pek chungchangah harsatna an neih te hriain, Sawrkar laipui ruahman angin lirthei document thi leh fello awm te thla thar, June ni 30 thleng ngaihhnathiam an nih tur thu a sawi.

Doordarshan palai zawhna chhangin Transport Minister, TJ. Lalnuntluanga chuan lirthei chhiah a huna pe hmanlo te pawisa chawi tur awltir chung-chang pawh Mizoram sawrkarin a tih theih chinah Chief Minister remtihna in ngaihdam an nih tur thu a sawi bawk a, tunah hian Transport Department pawhin hma a la chhunzawm a, sawrkar laipui-ah dilna thlen anih tur thu a sawi bawk.

Transport Minister chuan tunlai thiamna hmangin sawrkar hna tam tak kalpui a nih mek avangin, lirthei chhiah pek nan pawh NIC software an siamrem hunah chuan lirthei neitute Chhiah pek hun pela awmte tan Late Fee chawi ngai lovin kalpui tur a ni dawn tih a sawi bawk. Hei bakah hian COVID-19 hrileng mek avanga Mizoram pawn atanga rawn haw te phurkualtu leh thisen test ngaite phurkual a che chhuak reng, an Department MST Bus Driver te inpekna ah lawmthu a sawi bawk.