Latest News

MZI hruaitu thlanna nei

Mizo Zaimi Inzawmkhawm (MZI) Hqrs. Serchhip chuan nimin khan kum 2021-2022 chhunga an hruaitu tur thlanna MJA Serchhip District kaihhruaiin an nei a, President-ah Otto K. Lalchhuanawma (P&E Veng); Vice President-ah Lalramnghaka Kawlni (Tuikhuah Veng); Secretary-ah C. Zodinthara (Leisang Veng); Asst. Secretary-ah R. Lalrinfela (Bazar Veng); Treasurer-ah Lalnunsiami Khiangte (P&E Veng) leh Fin. Secretary-ah Johny Lalhruaitluanga (Venglai) te thlan an ni.

Bawrhsap in hriattirna chhuah

Nimin khan Serchhip District Bawrhsap, Dr. Lalzirmawia Chhangte chuan thuchhuah siamin tun thla ni 17 thlengin Serchhip District-ah pawh Lockdown kalpui a nih tur thu a puang.
Hemi chungchanga thuchhuah a siamah Serchhip District Bawrhsap chuan Mizoram sawrkar in COVID-19 darh zel tur venna atana Lockdown kalpui chhunzawmna tur Order a tihchhuah zulzuiin Disaster Management Act 2005 Section 26 in thuneihna a pek angin Serchhip District-ah May 4, 2020 atanga May 17, 2020 thleng Lockdown hi kalpui tur a nih thu a tarlang a. He inkharkhip kalpuina tura hriattur pawimawh hrang hrangte pawh tihchhuah nghal a nih thu leh mi zawng zawngin zawm tur a nih thu a tarlang bawk.
Hei bakah hian District Bawrhsap chuan mikhual neih chungchangah pawh hriattirna tichhuakin phalna nei lova Mizoram-a lo lut an awm loh nan khauh taka venhimna kalpui a tul thu a tarlang a.Hei vang hian mipui ten phalna nei lova lo lut tumah mikhual loh tur a nih thu leh phalna nei lova rawn lut te emaw, hetiang mi mikhual te emaw chu Deputy Commissioner hnenah hriattir zel tur a nih thu a tarlang bawk.

Comments

Chhiar Hlawhte