Latest News

MZI hruaitu thlanna nei

Mizo Zaimi Inzawmkhawm (MZI) Hqrs. Serchhip chuan nimin khan kum 2021-2022 chhunga an hruaitu tur thlanna MJA Serchhip District kaihhruaiin an nei a, President-ah Otto K. Lalchhuanawma (P&E Veng); Vice President-ah Lalramnghaka Kawlni (Tuikhuah Veng); Secretary-ah C. Zodinthara (Leisang Veng); Asst. Secretary-ah R. Lalrinfela (Bazar Veng); Treasurer-ah Lalnunsiami Khiangte (P&E Veng) leh Fin. Secretary-ah Johny Lalhruaitluanga (Venglai) te thlan an ni.

Sub-Hqrs. YMA-ah sum hlan

Serchhip Sub-Hqrs. YMA huamchhunga awm, Vantawng Group YMA chuan Serchhip District chhung, Myanmar ramri-a COVID-19 avanga Duty mek te tanpuina atan Rs. 26,100/- chu nimin khan Serchhip Sub-Hqrs. YMA kutah an hlan.
Vantawng Group YMA hian Serchhip District chhunga Myanmar ramri-a Duty, Lung-kawlh leh Sailulak te tanpuina atan hian an huam-chhungah a remchan anga thawhlawm khawnin heng te hi nimin khan Serchhip Sub-Hqrs. YMA President, R. Sanghmingthanga kutah an hlan a, heng sum hlan tur hian Group YMA President, Chawngsangliana hovin Secretary, C. Lal-nunthara leh Treasurer, LH. Chawimawia te chu an rawn kal a. Hemi puala inkhawm tawi Ser-chhip Sub-Hqrs. YMA Office-a neih ah Serchhip Sub-Hqrs. YMA President, R. Sanghming-thanga chuan hetianga Vantawng Group YMA in ramri-a Duty te tana sum thahnem tak an pe chu lawmawm a tih thu a sawi bawk.

Comments

Chhiar Hlawhte