Nupui hlui vithlum

Nimin (May 24, 2020) chhun dar 12:00 vel khan Lalruatzela (50) S/o Hrangzuala (L), Sai-tual Chawnpui Veng chuan a nupui hlui Lalthatluangi (52), Saitual Chawnpui Veng chu Chemte in a vit a, Lalthatluangi hi a hliam tuar lovin a boral.
Thudawn danin Lalthatluangi hi an In-ah a Monu in a samtuak a pawh sak laiin Lalruatzela hian luhchilhin Chemte in a taksa hmun engemaw zat-a a vih bakah a sat bawk a, thisen tam tham tak hlohin Saitual damdawi In panpui nghal ni mah se an chhan hman ta lo a ni.
Pawi a khawih hnu hian Lalruatzela hi In-ah inkalh khumin Police te pawh an thleng ve nghal a, amaherawh chu In chhungah hian Geletine keng-a inhal tum anga a awm avangin an pawh lawk theilo a, Police te hian luhchhuakin an man a, Saitual-ah kawl lovin Aizawl lamah an la nghal a ni. Lalruatzela hian kum 2000 khan a nute-i pasal, Bawngkawn ami chu alo that tawh nia thudawn niin Saitual-III VC leh NGO te chuan Saitual khua leh tui a nihna hlih sakin, a thi emaw, dam in emaw an area a luh an phalsak tawhlo bawk.

Comments

Chhiar Hlawhte