Latest News

Khunghran la awm belh zel

COVID-19 avanga Mizoram State pawn atanga rawn haw te sawrkar in ni 14 tal khunghrang zel tura ruahmanna a siam angin Serchhip District chhung mi Assam Regiment tanglai mi 4, Chawlh hmanga tura Inrinni zan-a Serchhip rawn thleng te chu Serchhip Tourist Lodge-ah khunghran nghal an ni a. Heng sipai pali te hi Tourist Lodge-ah Vanlalhmachhuana, MCS hovin District Task Force mite leh Medical Team, Dr. Joseph Lalmuanpuia Hauzel kaihhruai ten lo dawngsawngin, RAT test te neih an ni a. An hriselna dinhmun a tha tlang nia hriat a ni.

Serchhip District-a Quarantine Facility Centre-a awm mi 20 te chu nimin khan mahni In lama inkhunghrang tura chhuah niin mi 4 te dahluh ve thung an nih avang hian tun dinhmuna Serchhip District chhung Facility Centre-a khung-hran chu mi 56 an ni a, heng zingah hian Inrinni zing-a Tamil Nadu leh Pudduchery atanga rawn haw te puitling mi 35 leh naupang mi 1 te pawh telin In lama inkhunghrang mi 10 an awm mek bawk a ni.

Comments

Popular News (Last 30 Days)