COVID-19 Rapid Antibody Test sawifiah

COVID-19 Rapid Antibody Test Mizo-ram-a hman mek chu thisen-a COVID-19 hnuhma a awm leh awm loh test-na a nih thu Dr. Pachuau Lalmalsawma chuan a sawi.

COVID-19 chungchanga sawrkar thu puangtu, Dr. Pachuau Lal-malsawma chuan natna hrik kan taksa-a a lo luh hian kan thisen-ah antibody a insiam thin tih sawiin, chutiang chiah chuan COVID-19 hrik miin a kai pawhin a lo dolettu antibody kha a taksa ah insiamin, chu antibody man chhuak tur chuan COVID-19 Antibody Test kit hi hman thin a nih thu a sawi a. COVID-19 hrilen atanga hun reilote chhungin COVID-19 Rapid Test Kit ho hi taksa-a antibody hmuhchhuah nan chi hrang hrang rang taka siamchhuah a nih avangin endikna hun pawh a chep hle a, a ti.

Natna dang vanga taksaa Antibody dang awmin Test Result felfai tawk lo a siam theih avangin COVID-19 test-na khawlpui hmanga finfiah leh a ngaih chang a awm thei tih pawh sawiin Dr. Pachuau Lalmalsawma chuan, heng hunah hian Zoram Medical College-a COVID-19 Testing Laboratory chu tunhnaiah pawh hman niin Lawngtlai, Mamit leh Aizawl District atanga Rapid Test Result felfai tawklo te chu an Negative tih finfiah leh an ni tih a sawi a. Rapid Antibody Test tih hnua RT-PCR khawl-a test ngai hi a awm zeuh zeuh thu sawiin, “Hetiang hunah hian COVID-19 Positive a lo in ngaih mai tur a ni lo.  Rapid Antibody Test Kit ho hi ngialngan taka mimal-ah natna Confirm-na tura  duan a nih loh avangin tuman lo chi-ai nan hman loh tur a ni,” a ti.

Taksaa natna dotu (Antibody) hi damlo dam tawh hnuah pawh hun rei tak an la cham bang tih pawh sawiin, COVID-19 Rapid  Test hian Kit hian a la man chhuak leh fo thin bawk tih a sawi bawk.