Police chawimawina hlan

Zonuna Kawlni /
Serchhip Police Station-a thawktu mi pathum (3) te chu an hnathawh that avangin Police Station Level-a chawimawina (Reward) hlan an ni.
Heng Police te chawimawina hun hi nimin tlai dar 3:00 khan Serchhip Police Station-ah neih niin he hun hi Serchhip Police Station-a Officer In-Charge, VL. Ramhluna chuan a kaihruai a, tun tuma an chawimawi te hi ASI Jessy Zai-thanmawia bakah Const. H. Vanmalsawma leh Const. C. Lalroluaha te niin District Special Branch-a thawk te an ni a, tunhnai lawka Serchhip District Court rawk tumtute darkar 24 chhunga an manchhuah avanga chawimawi hlan an ni.
Heng mite chawimawina hlanna hunah hian Serchhip Police Station OC chuan tunlaia COVID-19 avanga lockdown kalpui mekah thubuai chi hrang hrang bawhzuiin Serchhip Police te pawhin theihtawp an chhuah thu leh heng an mi chawimawi te hnathawh chu chhuanawm a tih thu a sawi bawk.
Nimin-a he hun hman ah hian Serchhip khawpui chhunga VC leh NGO aiawhte pawh telin Police te hnathawh chu chhuanawm an tih thu an sawi a, mipuite leh Police ten thawhhona tha zawk an neih zel theih dan turte pawh an sawiho bawk a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »