Khapna thupek chhuah

Serchhip District Magistrate, Dr. Lalzirmawia Chhangte, IAS chuan thupek tichhuakin zan dar 7:00 atanga zing dar 7:00 inkar ah pawn chhuah khap a nih thu a tarlang.

Hemi chung-changa Serchhip District Magistrate in niminpiah-a thupek a tihchhuah chuan Novel Co-ronavirus (COVID-19) hrileng dona atana Mizoram sawrkarin inkaihhruaina dan a chhuah zulzuiin Section 144 of Cr.PC 1973 in thuneihna a pek angin Serchhip District chhungah tlai dar 07:00 atanga zing dar 07:00 inkarah pawn chhuah khap tlat a ni tih hi a tarlang a. He thupek hian Magistrate, Police, Hospital & Medical Emergency, Excise & Narcotics, PHE, P&E, Fire & Emergency Services, Print & Electronic Media, Centre/State Government leh District Magistrate leh Sub-Divisional Magistrate in phalna a pek bikte leh COVID-19 chungchanga duty te a huam lovang tih a tarlang a. He thupek hian thuchhuah hmasa lo awm tawh chu a luahlan (supersede) a ni.