MRP aia to-a thil zawrh man

Serchhip District Consumer Association leh Legal Metrology Serchhip te chuan nimin khan Chhingchhip-a dawr thenkhat enfiahin, MRP aia to a thil zuar an hmuh te an man.
Serchhip District Consumer Association te hian tunhnai ah thuchhuah siamin Serchhip District huam-chhungah MRP aia sang a thil zuar lo turin sumdawngte an ngen tih an thuchhuahah chuan an lo tarlang tawh a. Nimin-a Chhingchhip-a dawr an enfiahna ah hian Rawng, Fevicol, Cleaner, Pheikhawk leh thildang engemawzat MRP aia to a an lo zawrh te chu dan anga action lak anih theih nan Legal Meteology ten an bungraw zawrh thenkhat te an laksak nghal a ni. Serchhip District Consumer Association te chuan MRP aia thil zawrh te chu dan kalh a ni tih sawiin, MRP aia to a thil zuar an hriat emaw, complaint an dawn te chu an bawhzui zel dawn tih an sawi bawk.

Comments

Chhiar Hlawhte