Inkunghrang 111 awm mek

Serchhip District chhunga inkhunghranna hmun hrang hrangah mi 111 khunghran awm mekin nizan khan mi 50 chuang dahluh hman beisei a ni.
COVID-19 avanga inkhunghranna kalpui mekah nimin khan Quarantine Facility Centre-a awm mi 6 te chu ni 14 chhung an inkhung-hran hnuah chhuah tir niin midang 4 dahluh belh an ni thung a, heti hian In lama inkhunghrang mi 8 awm mekin Quarantine Facility-ah mi 75 an awm ta bawk a, hei bakah hian Community Quarantine Facility-ah mi 28 la awm mek bawkin Serchhip District chhunga inkhunghran hi mi 111 an awm mek bawk a ni.
Hetihlai hian nizan hmasa-a rawn thleng tura beisei, Karnataka atanga rawn haw mi 52 te chuan nimin zing khan Bairabi an rawn thlen hman tak chauh avangin nizan khan Serchhip rawn thleng hman tura beisei an ni a, Madhya Pradesh leh Gujarat atanga rawn haw turte pawh Rel kawng lamah harsatna a awm zel avangin an rawn thlen hun tur hi chiang taka hriat theih a ni rihlo bawk. Heng bakah hian Nagaland atang pawhin mi 2 rawn haw mek an awm nia thudawn a ni bawk.

Comments

Chhiar Hlawhte