Serchhip District Court rawk tuma beih a ni

Pathianni zan khan Serchhip District Court chu rawk tuma beih niin District Court rawk tumtu te hi niminpiah tlai khan Serchhip Police te chuan an man nghal.
Thudawn danin Pathianni zan zanlai velah khan Serchhip IOC Veng-a Serchhip District Court hi mi tu tih hriatloh ten rawk tumin Court building chhungah hian an lut a, heng mite thawm hi Chokidar chuan hriain a ngaihven hnuah heng mite hi Room chhungah lut lovin an tlanchhia a, heng mi te chet dan hi Court chhunga Closed-Circuit Television (CCTV) Camera chuan lo lain hemi chungchang hi niminpiah khan Serchhip Police te chuan an chhui zui nghal a, he thil a inhnamhnawih a puh te hi Serchhip Police DSB te chuan hemi Ni la la hian manin heng mite pawh hian he thil hi an tih ngei a nih thu an sawi nia thudawn a ni.
Thudawn danin Court rawk tumtu te hi mi 2 niin Lalmuanpuia (26) s/o Liankima (L) New Serchhip Bazar Veng leh Lalremruata (29) s/o Zohmingthanga, New Serchhip Sihphir Veng te an ni a, heng mite hian Court Building chhunga an thil man sa thenkhat te chu lak an tum nia thudawn niin Court Building chhunga an luh hian CCTV Camera in a thla lo lain hei hi an kuai her nghal a, amaherawh chu CCTV Camera hmanga an thla lo lak atangin anmahni hi hriatchhuah an ni ta tho a ni. Heng mi pahnih te hi Serchhip Police te chuan thubuai siam sakin man nghal an ni a, nimin khan Serchhip District Court-ah hian hruai nghal an ni.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn