Mizoram-a DCHC te inbuatsaihna endik a ni

Mizoram chhunga District hrang hrang a COVID-19 damlote enkawlna tura ruahman, Dedicated Covid Health Centres (DCHC) te chu tunlai hian sawrkar laipui atanga rawn enfiah mek a ni.
Ministry of Health & Family Welfare, Govt. of India ruahmanna in UNICEF, WHO leh National Health Mission, Mizoram tangkawp chuan Mizoram chhunga District hrang hrang a COVID-19 damlote enkawlna tura ruahman, Dedicated Covid Health Centres (DCHC) atana sawrkarin a ruatte inpuahchahna leh ruahmanna an siam te tunlai hian an endik mek a. Nimin khan Champhai leh Mamit District-a Dedicated Covid-19 Health Centers (DCHC) atana ruahmanna siamte endik (assess) a ni a, hemi hmalam hian Zoram Medical College, Falkawn bakah Siaha, Lawngtlai leh Serchhip-ah DCHC atana inbuatsaihna hi endik a lo ni tawh a ni.
He enchianna hi a tahtawla District tin ten COVID-19 damlo an enkawl ve theih nana lo inbuatsaih lawkna tur a ni ber a. He endikna atang hian COVID-19 vei rau rau zinga, a na lo chi (Mild leh Moderate case) te enkawl nana hmanrua leh thiamna an neih te, an thil mamawh tur leh hmalak zel dan tur te a hriat theih dawn a ni.

Comments

Chhiar Hlawhte