Latest News

Tangkhang mahni thu-a haw lo turin hriattir an ni

Mizoram sawrkar chuan India hmarchhak-a Mizoram mi leh sa la tangkhang te chu ruahmanna felfai tak siam a nih hma chuan mahni duhthu-a haw rihlo turin a hriattir.
Hemi chungchanga hriattirna a tihchhuah ah Mizoram sawrkar-a Home Department chuan Mizoram Sawrkarin North East State-a tangkhang Deputy Resident Commissioner leh Group YMA-a in hriattir te tana April 30 leh May 2, 2020 inkara haw na hun a siamah khan mi engemaw zat rawn haw-in an District hawna tur theuhah Quarantine Facilities-te felfai takin ruahmanna siam a ni tih an sawi a. Hetiang ruahmanna siam anih laiin Mizoram House-a DRC te leh Group YMA te hnena inhriattir lem lova mahni thu-a rawn tlan haw ve ta ringawt mi 150 chuang awmin, hei hian State Sawrkar ruahmanna siam te a ti thuanawp nasa hle tih an sawi a. Tuna haw te bakah hian North East State-ah tangkhang an la awm tih hriat a nih thu pawh tarlangin, tuna North East State-a la tangkhang mekte chu mahni duhthua tumah lo haw rihlo turin an hriattir a, an tangkhanna State-a Mizoram House DRC leh Group YMA President hnena in hriattir turin an hriattir nghal bawk.

Comments

Popular News (Last 30 Days)