Khunghran mi 48 awm mek

COVID-19 avangin Serchhip District-ah inkhunghrang mi 48 an awm mek a, heng mite an dinhmun hlauhthawnawm a awmlo nia thudawn a ni.

COVID-19 hri leng mek avangin Ser-chhip District chhungah rampawn atanga rawn haw te chu sawrkar ruahman angin khung hran chhunzawm zel an la ni a, tun dinhmunah Serchhip District chhungah hian mahni In lama inkhung-hrang (Home Quarantine) mi 10 an awm mek a, nimin khan In lama inkhunghrang mi 4 te chu an inkhunghran hun zovin chhuah tir an ni a, midang pakhat chu inkhunghran tir thar leh niin tunah hian In lama inkhunghrang mi 10 an awm mek a ni. Hetihlai hian sawrkar in inkhunghranna tur hmun a ruahman, Facility Centre 22-ah khunghran mi 38 an la awm mek bawk. Sawrkar in a ruahman anga Facility Centre-a dah te hi an hriselna dinhmun enfiah reng niin an zingah hian COVID-19 kai rinhlelhawm erawh an awmlo nia thudawn a ni.