Serchhip District-a Dal sem tur pekchhuah a ni

/
Sawrkar laipui ruahmanna anga Pradhan Mantri Garib Kalyan Anna Yojana (PM-GKAY) kaltlanga Serchhip District mipuite hnena a thlawna Ration Dal sem tur chu nimin khan Serchhip Supply Kudam atangin pekchhuah a ni.
Rampum-a COVID-19 avanga Lockdown kalpui mekah mipui harsatna sutkianna turin sawrkar laipui chuan PM-GKAY kaltlangin mipuite hnenah Ration Dal a semchhuak dawn a, ruahman lawk ang chuan Ration Dal hi thla thum (April, May leh June) thla ah NFSA hnuaia AAY leh PHH chhungkua te hnenah semchhuah tur niin Ration Card pakhat zelah Kg. 1 a sem tur a ni a, tun tumah hian April thla quota tur pekchhuah niin May leh June thla quota tur hi hun dangah pekchhuah leh tur a ni ang.
Thudawn danin Serchhip District chhungah hian NFSA hnuaiah AAY chhungkua (Ration Card Eng) 786 leh PHH (Ration Card Pawl) 2999 awmin heng mite hnenah hian Ration buhfai pawh March thla leh April thla quota chu a thlawna sem a lo ni tawh bawk a. Tun thla ni 25 hnulam khian June thla quota tur pawh pekchhuah leh a ni dawn a ni.
Hetihlai hian Serchhip-a Supply Department hotute chuan tun dinhmunah Serchhip Supply Kudam-ah buhfai dinhmun a tha tih sawiin, District chhung khaw hrang hrangah te pawh buhfai harsatna a awm loh thu an sawi a. Serchhip bikah hian July thla quota daih chhekkhawl a awm thu sawiin, inkharkhip hi kalpui zui zel pawh nise mipuite tan thlaphanna tur a awmloh thu an sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »