Latest News

ZPM MLA ten Quarantine Centre an tlawh

Hmarchhak State hrang hrang atanga Aizawl District a lo haw khung hran mek te awmna hmun chu nimin khan ZPM Legislature Party MLA mi 5 te chuan tlawhin an dinhmun an enpui.
He huna kal ZPM Legislature Party MLA te hi an Leader, Lalduhoma chuan hovin R. Dengthuama Hall, Mualpui Salem Veng leh Tourist Centre Berawtlang an tlawh a. R. Dengthuama Hall ah hian mi 134 Quarantine an ni a. May ni 1 atang khan heng mite hi dahluh an ni a. An luh dawn hian Medical Team ten Rapid Anti Body Test nei vekin an vai hian an Negative vek a ni. Helai hmuna Quarantine te hi an chhung ten bungrua an rawn pe thin a, hei hi lo endik emaw tu an awmlo a, ruihhlo ilo fahran lo inpe tawk te pawh awm theiha nih avangin hei hi ZPM MLA te hian a fello hle nia an ngaih thu an sawi.
Berawtlang-a Tourist Centre-ah hian mi 70 quarantine mêk an ni a, May 1 atanga lut tan in Medical Team te'n Rapid Anti Body Test nei vekin an vai hian an Negative vek a. Ni 7 hnuah an dinhmun hi Test leh vek tur niin MLA te lo dawngsawngtu Doctor chuan a sawi. Heng Quarantine te tan hian an chhungten bungrua an pek hun tlai lamah hawn ni thungin heng bungrua te hi Force Duty-ten an lo endik zel a ni. 

Comments

Popular News (Last 30 Days)