Latest News

Volleyball Indoor Hall sakna tur Minister in en

Nimin khan Sports Minister, Robert Romawia Royte hovin Ai-zawl-a Volleyball Indoor Hall sakna tur hmun enho a ni a, Aizawl College Veng-a Football Field leh Republic Vengthlang-a J.Thankima College Compound-a Multi Utility Centre sak tura rawtna hmun an thlirho bawk.
Heng hmun an tlawhna ah hian Sports Minister chuan Mizoram-ah Standard Volleyball Court neih ve tul a tih thu sawiin, Mamit-ah cheng nuai 1200 senga sak mek bakah Aizawl remchang laiah International Competition pawh khelh theihna tur din tumin Sawrkarin tan a lak mek thu a sawi a. Mualpui-a Sports Hostel chung zawma sak rawtna awm chu duh anga a len tawk loh avangin Ramhlun Sports Complex hmuna sa turin sum dilchhuah nana DPR siam vat tum a nih thu a sawi bawk.
Aizawl College Veng area chhunga awm Venghlui Football Field tihchangtlun dan tur pawh Sports Minister ho hian a hmunah en a ni a, Parking hmunpui leh mipui mamawh hmunhma siam tel theih a nih leh nih lohte Field-a thuneitute leh Department Engineer-ten lo enho se tiin thu dah a ni a. Republic Vengthlang-a awm Govt. J.Thankima College-ten an College mamawh Sawrkara an thlen mek pawh a hmunah enhovin State Budget pawnlam atanga sum hmuh theih nan DPR siam tura hma a lakpui tur thu Minister chuan a hrilh bawk.

Comments

Popular News (Last 30 Days)