Latest News

MZI hruaitu thlanna nei

Mizo Zaimi Inzawmkhawm (MZI) Hqrs. Serchhip chuan nimin khan kum 2021-2022 chhunga an hruaitu tur thlanna MJA Serchhip District kaihhruaiin an nei a, President-ah Otto K. Lalchhuanawma (P&E Veng); Vice President-ah Lalramnghaka Kawlni (Tuikhuah Veng); Secretary-ah C. Zodinthara (Leisang Veng); Asst. Secretary-ah R. Lalrinfela (Bazar Veng); Treasurer-ah Lalnunsiami Khiangte (P&E Veng) leh Fin. Secretary-ah Johny Lalhruaitluanga (Venglai) te thlan an ni.

Govt. Serchhip College te an luangchhuak

Govt. Serchhip College Staff Welfare leh he College-a NSS Unit tangkawp chuan Adopted Village atana an thlan, Keitum khua ah nimin, May 19, 2020 khan luanchhuahna hun an hmang.
COVID-19 hripui leng mek avangin Mizoram-ah pawh mi tam takin harsatna an tawk mek a, he hripui leng mek do nan hian Govt. Serchhip College-a Staff zawng zawng te chuan an nikhat hlawh chu thawhkhawmin CM Relief Fund-ah Rs. 12,6347/- an lo thawh tawh a. Hei bakah hian zirlai mahni a awm leh chhungkua-a mi In luaha awm, harsa deuh te chu tanpuina an lo pek tawh bakah Adopted Village atana an thlan, Keitum khua-ah nimin khan Buhfai Bag 6, Alu Bag 4, Purun bag khat leh Face mask 150 an sem leh a ni.
Nimin a Keitum khua a heng bungrua hlan tura kal College-a thawk te leh NSS te hi Keitum Village Local Task Force hruaitu ten lo dawngsawngin Keitum Village Level Task Force Chairman, Lalsailova chuan khawvel pumah COVID-19 hripui a len mek lai leh Mizo-ram-ah pawh thlakhat chuang kan inkharkhip tawh laia Govt. Serchhip College ten an khua, Keitum an rawn hrereng chu thinlung taka an lawm thu a sawi a. Midang tan malsawmna ni zel turin Govt Serchhip College te chu duhsakna a hlan nghal bawk a ni.

Comments

Chhiar Hlawhte