Exam hun tur tihfel a ni
Mizoram Board of School Education (MB-SE) chuan kumin a pawl 12 Exam la zo lo te leh pawl 10-a Subject bat nei te tan thla thar, June 16 atangin Exam a buatsaih dawn.Hemi chungchanga nimin-a thuchhuah an siam danin Mizoram Board of School Education (MBSE) chuan Higher Secondary School Leaving Certificate (HSSLC) Exam neih mek-a Subjest thenkhat la exam lo te tan hian June 16 atangin Exam hi neih a ni dawn a. Ruahman lawk ang chuan June 16-ah Economic leh Chemistry (Theory) Exam in June 17-ah Sociology Exam a ni anga, June 18-ah Computer Science (Theory) leh Home Science (Theory) te exam a ni ang.
Nimin vek khan Mizoram Board of School Education (MBSE) hian tunhnaia HSLC (pawl 10) Exam Result tihchhuah taka Subject bat nei te tana Compartmental Exam neih hun tur pawh tichhuakin June 16 leh 17-ah te Exam hi neih a ni dawn a, Exam hi Mizoram District hrang hrang 11-a Centre-ah te neih tur niin June 16-ah Theory Exam in a tuk, June 17-ah Practical Exam tur nei tan chhunzawm nghal tur a ni ang. Compartmental Exam turte tan hian June 5, 2020 thlengin Centre Superintendent te hnenah Form submit theih a ni anga, Exam Fee Rs. 250/-, Centre Fee Rs. 150/- leh Practical Fee Rs. 100/- te chawi tur a ni ang.