Latest News

WATSAN Committe training

PHE Serchhip WATSAN Division hnuaia WATSAN Committee te tana Training chu nimin khan Serchhip P&E Veng YMA Hall-ah neih leha zawhfel a ni a, he training-ah hian Serchhip Sub-Division huamchhunga WATSAN Committee Member te an tel a ni. Hemi hmalam hian East Lungdar Sub-Division huamchhung ami te tan East Lungdar-ah leh Tlungvel Sub-Division huamchhung ami te tan Tlungvel-ah te neih a ni tawh a ni.

Dan bawhchhia man belh

Mizoram (Containment and Prevention of COVID-19) Ordinance, 2020 bawhchhia te chu man zel niin nimin khan Serchhip District-ah vantlang hmuna mask vuahlo mi 35 chu Police ten an man leh a, heng mite hi Rs. 100/- theuh chawi tir niin Social Distancing zawmlo mi 2 man an ni bawk a, Rs. 200/- ve ve chawitir an ni bawk. Mizoram (Containment and Prevention of COVID-19) Ordinance, 2020 hman a nih, May 4 atang khan he Dan zawmlo man zawng zawng hi mi 3187 tling tawhin heng mite pawisa chawi pawh Rs. 6,93,100/- a tling tawh bawk.

Comments

Chhiar Hlawhte