Fee lak dan tura inremna ah Zirlai pawl te an lawm

MZP General Hqrs. chuan inkharkhip avanga zirna kalpui theihloh chhunga Fee lak dan tura inremna a awm ta chu lawmawm an tih thu an sawi.
Nimin a thuchhuah an siamah MZP General Hqrs. chuan School Education Minister, Lalchhandama Ralte hova thukhawm, MZP leh Mizoram Independent School Association (MISA) telna in School Fees 50% aia sang la lo tura inremna an siam chu lawmawm an tih thu sawiin, hemi chungchanga Sawrkar hmalakna leh Private Shool neitute inhawnnaah lawmthu an sawi a. Zirlaite harsatna hrethiam duhlo leh School Fee chungchanga harsatna siam lui an awm anih chuan a tul angin hma an la zel dawn tih an sawi bawk.
Hetihlai hian Mizo Students' Union (MSU) General Hqrs. pawhin nimin khan thuchhuah siamin School Education Minister hova MISA te nen Zirlaite tana inremna leh sawrkar thuchhuah felfai tak an siam thei chu lawmawm an tih thu an sawi a. Sawrkar thuchhuak hi Private School zawng zawngte'n an zawm ngei an beisei thu sawiin, mimal zirna In te chu loh theihloh thil anih loh chuan Lockdown chhung thla zirna Fee la lo turin a ngen nawn leh a. Sawrkar in a phal, 50% chin aia tam lo la an awm a nih chuan MSU hnena hriattir vat turin zirlai nu leh pa te chu an hriattir nghal bawk.

Comments

Chhiar Hlawhte