Mipuite fimkhur turin chah

/
Serchhip DC Office-a Officer leh Police hotute chuan nimin khan Serchhip Bazar hmun hrang hrang leh damdawi In te tlawhin mipuite chu midangte nena inkarhlat, Social Distancing ngai pawimawh turin an hrilh.
Serchhip DC Office-a Election Officer, Vanlalhmachhuana leh Ser-chhip SDPO, Viktor Zothansanga te chuan nimin khan Serchhip Bazar leh damdawi In te hi tlawhin mipuite chu tunlai a hri leng mek, COVID-19 laka an him theihna tura fimkhur turin an chah a. Dawrkai te chu anmahni dawrtute zingah hri kai palh awm thei a nih avangin Mask hmang uluk tura chahin, mipui khawlai-a vakchhuak te pawh hmai tuam tur leh hmai tuam lo te chu pawisa chawi tir theih an nih avangin chawitir zel an nih tawh dawn thu an sawi.
Hei bakah hian Thingpui dawr te pawh anmahni dawr atanga mipuite eitur pechhuak lovin In lama pe tur an nih thu hrilhin Bank dawrtute leh damdawi OPD a inentir turte pawh midang nena inhlat taka ding turin an chah bawk a. Hetiang thu zawmlo te chu dan anga pawisa chawitir theih an nih avangin pawisa an chawi lohna atan leh hri leng laka an him theihna turin Dan zawm turin an chah bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »