Tualchhung chanchin thenkhat :

Tanpuina luh belh zel

COVID-19 dona atana Mizoram ramri hrul a Duty tanpuina atan nimin khan Bungtlang Venglai Branch YMA chuan Serchhip Sub-Hqrs. YMA kutah Rs. 10,000/- hlanin Lungpho Branch YMA te pawhin Rs. 10,000/- an hlan leh bawk a. Heng sum te hi Sub-Hqrs. YMA Serchhip chuan a remchan angin ramri hrul-a duty te hnenah hian an hlan leh dawn a ni.

SEC thutkhawm nei dawn

Serchhip Sub-Hqrs. YMA chuan Vawiin chawhma dar 11:00 hian Sub-Hqrs. YMA Conference Hall-ah Sub-Hqrs. Executive Committee (SEC) Meeting an nei dawn a. COVID-19 avanga Sub-Hqrs. YMA Conference vawi 7-na neih theih tak loh chungchang leh Sub-Hqrs. YMA huamchhunga ramri hrul ven dan chung-chang te sawiho a ni ang.

Gas man bithliah thar a ni

IOCL Revised Retail Selling Price tihchhuah thar angin Mizoram-a eirawngbawlna Gas man tur bithliah thar a ni leh ta a, hemi ang hian Kg. 14.2 a rit eirawngbawlna Gas chu Serchhip-ah Rs. 668.50 a ni anga, Home Delivery a hralh dawn chuan Rs.70/- belh zel tur niin Godown a hralh dawn chuan Rs.27.60 zel paih tur a ni a, Commercial Cylinder chu bur khat Rs. 1337.50 a ni ang.