Fimkhur thu hla-a khunghran an nih thu sawi

Mizoram Chief Secretary, Lalnunmawia Chuaungo chuan Mizoram pawn-a tangkhang lo haw tur te chu COVID-19 an vei vang ni lovin, COVID-19 lenna hmun atanga lo haw an nih avangin fimkhur thu hlaah khung hran an nih thu a sawi.

SAD Conference Hall, Aizawl-ah niminpiah khan phai atanga lo haw mek leh lo haw turte dawnsawn dan chungchang leh Sawrkarin inkhunghranna hmunhma a neih te thlirhona hun-ah he thu hi sawiin Chief Secretary chuan, Quarantine a dah tur te COVID-19 vei anga kan dawnsawn chu a fello tih a sawi a, Tangkhang lo haw te chu RAT an paltlang (an test a Non-Reactive) a, COVID-19 symptoms an nei lo a nih chauhin Quarantine Facility ah dahluh an ni thin a, RAT a reactive te chu hmun hranah (isolation facilities) ah dah an ni thin a, uluk taka enkawl zui an ni thin tih sawiin, Red Zone leh Containment Zone atanga lo haw te chu a theih chin chinah Pooling of Sample kaltlangin RT-PCR test an nih tur thu a sawi bawk.

Chief Secretary hian India ram State dang ngaihtuahin Mizoram chu a fimkhur bik kan nih thu leh invenna hmanraw tha ber ber kan hman thu leh tun dinhmunah a aia tha a awm chuang lo tih a sawi bawk.