Mi 1402 ten Mizoram rawn pan leh mek

Rampum-a inkharkhip kalpui a nih avanga Mizoram mi tangkhang hruai haw mekah nizan hmasa khan Delhi-a tangkhang mi 1,402 te chuan Screening an paltlang hnuah Mizoram an rawn pan.
New Delhi atanga Mizoram mi leh sa tangkhang lo haw turte hi Mizoram House Resident Commissioner Office chuan buaipuiin heng mi 1402 te hian Screening an paltlang hnuah Rel hmangin Mizoram hi an rawn pan a, New Delhi-a Screening kalpui chhung hi a rei avangin Puan In te kaihin khawlum hnuaiah Additional Resident Commissioner hovin Mizoram House-a Officer leh Staff te bakah Mizoram Welfare Association ten buaipuiin, Mizoram House atanga Screening Centre-a kalna tur Motor ngaihtuah sak an ni.
Heng mi 1,402 te hi DTC Bus 70 hmangin Screening Centre atangin Rel Station-ah phur pheiin tlai dar 5:30-ah an thleng kim a, hemi hnu hian Mizoram rawn panin Passenger te hi Railway Board leh IRCTC bakah Mizoram House Resident Commissioner Office chuan Tui leh thildang an mamawh tur an pe bawk. Tun tuma New Delhi atanga Mizoram rawn mek zingah hian Serchhip District mi 49 awm tura beisei an ni.

Comments

Chhiar Hlawhte