Serchhip-ah District Level Declamation Contest nei

/
Nehru Yuva Kendra (NYK) Serchhip District buatsaihin nimin khan 'Patriotism and National Building' tih Thupui ah hmangin District Level Declamation Contest neih a ni.
District Consumer Forum Hall, Serchhip DC Complex-a he hun hman hi NYK Serchhip District-a NYV, Lalrintluanga chuan kaihhruaiin NYK Serchhip MTS, Lalawmpuia chuan he hun an buatsaih chhan leh a thiltum hrang hrangte a sawi a. NYK hmalakna te tarlangin, thalai ten kawng hrang hranga hma an sawn theihna tura hma an lak bakah ram leh hnam tana thalaite tangkai zawka an inhman theih nan te, khua leh tui tha an nih theihna tura chherchhuah te chu a tum a nih thu a sawi bawk.
Nakum January thlaa India Republic Day lo thleng tur lawmna chikhat atana rampum huapa neih tur Declamation Contest hi District Level-ah bul tanin National Level thlenga neih tura ruahman a ni a, nimin a Serchhip District Level a intihsiakna ah hian Thupui thlansa hmang hian intihsiakna neiin a pumpui ah H. Lalremruatpuii, Serchhip Hmar Veng chu pakhatna niin Laltlan-kimi, Serchhip Field Veng chu pahnihna a ni a, Ruthi C. Vanlalruati, Dinthar Veng chu pathumna a ni bawk.
He intihsiakna a pakhatna atanga pathumna te hi lawmman pawisafai pek theuh niin pakhatna hi Serchhip District aiawhin State Level intih-siakna ah a tel dawn a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »