Latest News

WATSAN Committe training

PHE Serchhip WATSAN Division hnuaia WATSAN Committee te tana Training chu nimin khan Serchhip P&E Veng YMA Hall-ah neih leha zawhfel a ni a, he training-ah hian Serchhip Sub-Division huamchhunga WATSAN Committee Member te an tel a ni. Hemi hmalam hian East Lungdar Sub-Division huamchhung ami te tan East Lungdar-ah leh Tlungvel Sub-Division huamchhung ami te tan Tlungvel-ah te neih a ni tawh a ni.

FEMSE nawrhna titawp ta

Federation of Mizoram Samagra Employees (FEMSE) ten sawrkar laka an thilphut hrang hrang tih hlawhtlin ngiata lungawilohna an lantir chu nimin khan chhunzawm lehin SSA leh RMSA hnuaia thawktu thenkhat te chuan a huhoin chawlh an la leh a, he an thilphut chungchangah hian nimin khan FEMSE Office Bearers te leh sawrkar thuneitute chuan inbiakna neiin chawhnu dar 2:00 khan lungawilohna an lantir mek chu an ti-tawp zui ta a ni.
Nimin-a inbiakna hian FEMSE dilna chungchangah chak zawk leh mumal zawka hmalak a nih theih nan Study Group din an rel a, hei hi December, 2019 ralhmaa din tura tih niin FEMSE aiawh pawh tel tura tih a ni a. Hei bakah hian Ministry lam thuneitute nen pawh an inbiak theih dan ruahman an rel bawk.

Comments

Chhiar Hlawhte