Latest News

Mipui hmaa puang turin Education Minister phut

MPCC Media Department chuan School Education Minister chu SSA & RMSA hnuaia awlsam taka hnawhkhah theih post ruak (casual vacant post) a hnawhkhah tawh zat te, Post ruak hnawhkhah tur la awm zat leh RMSA School thar-a post awm zat te hi chiang taka mipui hmaah puangchhuak tura an phut thu an sawi.
Nimin-a thuchhuah an siamah Mizoram Pradesh Congress Committee (MPCC) Media Department chuan School Education Minister, Lalchhandama Ralte-in SSA & RMSA hnuaiah advertisement chhuah lovin hnathawktu 91 a la ngei tih a pawm ta chu lawmawm an tih thu tarlangin, “Hei hian ‘zirtirtu lakna ah party induhsakna a awm lo ang’ ti reng chungin MNF party hruaitute leh mipui nawlpui hriat lohin SSA & RMSA -Samagra Shiksha-ah a duhsak zawng leh a chhungkhat laina hnaite a thun reng a ni tih a ti chiang hle a ni,” an ti a. School Education Minister in a duhsak zawngte hna dilna ah a recommend-a ziah sak chi hrang hrang hmuh tur a awm reng laia “Education Minister-in a duhsak zawng a la lo. ...SPD hnenah ka ziahsak mai a ni, ka laktir tumah an awmlo,” tia a sawi chu mak an tih thu leh zirlaite leh mipui hmaa dawt sawi hreh chuang miah lo Education Minister kan nei chu vanduaithlak an tih thu an tarlang.
Hei bakah hian MPCC Media Department chuan RMSA zirtirtu tur mi 40 lakna tura Aadvertisement tihchhuah ah mi 32 chauh an lak \uma tling zo lo mi engemawzat, a duhsak zawngte direct-a a thun leh si chu mak an tih thu pawh sawiin, “Hetiang a nih chuan MR Teacher 881 laknaa tling zo lo te zinga a duhsak zawng leh a chhungkhat lainate a rukin a thun leh \euh mai ang tih a hlauhawm hlein kan hria,” an ti a. School Education Minister chu Congress Ministry thil tih dan a zui duh tak tak a nih chuan zirtirtu dang lakna zawng zawng pawh MPSC kutah dah leh vek tura tiin, “Sawrkar hmasa ang khan MPSC hi a nihna tur ang takin hmang \angkai leh rawh se,” an ti bawk.

Comments

Popular News (Last 30 Days)