Latest News

Zirlai ten thisen Unit 46 pe

/
Image
Nimin khan Govt. Serchhip College zirlai te chuan Serchhip Blood Bank-a dah turin thisen Unit 46 an pe. Rampum-a 'Ayushman Bhava' kalpui meka Sewa Pakhwada hman mek denchhen leh Govt. Serchhip College in kum 50 a tlin lawmna bakah NSS Foundation Day lo thleng tur den-chhenin nimin khan Govt. Serchhip College NSS Unit leh NCC Air Wing te chuan Serchhip Blood Bank-a dah turin thisen Unit 46 an pe a, thisen petute hi mipa 22 leh hmeichhia 24 niin heng mi tlawmngai te thisen la tur hian Serchhip Blood bank-a thawktute chu College-ah hian kalin thisen hi an lak sak a ni.
Post a Comment

‘Cricket Association of Serchhip District’ din a ni

/
Serchhip-a Cricket Game ngainatute chu nimin khan inhmukhawmin ‘Cricket Association of Serchhip District’ an din.
Serchhip-a Cricket game ngainatute hi nimin chawhnu khan Serchhip Bazar-a Jemela Hotel-ah inhmu-khawmin Serchhip District huap turin Cricket Association hi an din a, hruaitu tur pawh insiam nghalin President-ah HD. Lalhmachhuana, AOC Veng, Vice President-ah R. Lalrinfela, Bazar Veng, Secretary-ah A. Lalduhawma, Chan-mari Veng, Joint Secretary-ah Lalbiakzuala, Hmar Veng leh Treasurer-ah Vanlalremthu-lenga, Bazar Hnuai te an inruat nghal a, heng bakah hian Executive member tur pawh inruat nghalin hmalak dan tur hrang hrang te an duang a, karleh lamah Coach Training turin mi intirh nghal nise an ti bawk.

Comments

Post a Comment

Popular News (Last 30 Days)