Latest News

Seat 40 awmna Mizoram Assembly-ah ZPM in seat 27 lain sawrkar thar an siam dawn

Image
Kum 2023 Mizoram State Assembly Inthlanpui-a Vote tla te chu nimin khan chhiar a ni ta a, Seat 40 awmna ah Zoram Peoples Movement (ZPM) chuan Seat 27 lain Party mal-a sawrkar siam thei turin hnehna an chang a, Rorellai MNF Party chuan Seat 10 lain Chief Minister leh Minister nilai engemaw zat an tling zo lo a ni.

Halpuah leh halmawi khap

Serchhip District Magistrate, Sangchhin Chin-zah chuan halpuah leh halmawi chi hrang hrang bakah naupang Silai lem chungchangah khapna thupek a tichhuak.
Hemi chungchanga niminpiah a thupek a tihchhuah ah Serchhip District Magistrate chuan Halpuah leh halmawite hian nasa takin mihring hriselna a tichhhe theiin, boruak a tihchhiat leh tih bawlhhlawh mai bakah ri beng-chheng a siam a, Silai lem a mu nei chite hian mihring piansualna a thlen tak fo bakah tul lova sum khawhralna a ni bawk tih a tarlang a. Serchhip District mipuiten hriselna tha tak kan lo neih theih nan leh sum leh pai tam tak kan khawhral loh nan bakah hunpui kan neih Krismas leh Kum-thar hlim tlang tak leh thlamuang taka kan hman theih nan Halpuah, halmawi leh puakthei thildang boruak thalo siam thei leh ri bengchheng siam thei chi reng reng lakluh, zawrh, hralh, hal leh hman khap a nih thu leh Naupang silai lem a mu hmang chi reng reng zawrh leh hralh khap a ni tih a tar-lang a. He thupek hi chhuah a nih (Nov. 27, 2019) atanga thla hnih (2) chhung huam tur a ni.

Comments

Popular News (Last 30 Days)