Kan hotupa hian mi hmuh loh a hmu phak - Ruatkima

Rural Development Minister, Lalruatkima chuan Chief Minister, Zoramthanga chu mite hmuh loh hmu phaktu a nih thu sawiin, Chief Minister hlui chu vision neih lovah a puh bawk.

RD Minister, Lalruatkima hian Oct. 31, 2019 a\ang khan Mizoram hmar tlangdung tlawhin Sinlung Hills Council inthlanpui neih tur atan a campaign mek a. Khaw hrang hranga Vantlang Inkhawmah thu sawiin, hun rei tak Sinlung Hills Development Council kalpui a nih hnuah Sinlung Hills Council hnathawk tak tak thei tura inthlanna hmachhawn a lo ni ta chu hmasawnna ropui a nih thu sawiin, SHC Secretary tur pawh ruat fel a nih tawh thu a sawi bawk.

RD Minister chuan Zoramthanga kaihhruai sawrkar hmalakna hrang hrang sawiin - Zu zawrh tihtawp, kawngchhia siam\hat te, Health Care System changtlung zawk kalpuite bakah SEDP atan inbuatsaihna a kal mek tih a sawi a. MNF sawrkar hnuaiah kum khat pawh la tling lovah hmasawnna tam tak a awm tawh tiin, Chief Minister chu vision thui tak nei chunga Missionary nuai khat tirh leh boruak hralh thlenga sawi thei a nih dan leh Zoramthanga chu mite hmuh loh hmu phak, Vision nei \ha a nih thu a sawi a. Hetihlai hian Chief Minister hlui chu Vision pakhatmah nei lova hun rei tak Mizoram lo kaihruai tawh a nih thu a sawi bawk. RD Minister hian Vawiin hian Darlawn leh Ratu tlawhin Sakawrdai-a Campaign kharna a hmanpui bawk ang.