State Games atana inbuat-saihna thlirho a ni

Mizoram State Games neih tur inbuatsaihna thlirin nimin khan Serchhip A/C Organising Committee chu an Chairman Serchhip bialtu MLA, Lalduhoma hovin an thukhawm.
Serchhip DRDA Conference Hall-a he thutkhawm ah hian Bialtu MLA, Lalduhoma chuan thla thar-a Mizo-ram State Games neih tur atan inbuatsaihna ngawrh taka kalpui mek a nih thu sawiin, Ser-chhip bial aiawhte telna tur thlan fel a nih tawh thu leh Sports discipline hrang hranga Serchhip bial aiawh tur enkawltute leh infiammi te chu theihtawp chhuah tura chahin, Sport Items zingah kan Constituency atana beiseiawm deuh ah te chuan MLA a nihna anga sum leh pai leh tul leh pawimawh ah te theihtawp chhuah a tum thu a sawi bawk.
He thutkhawm ah hian inbuatsaihna kal mek leh sum leh pai dinhmun te thlirin sawrkar Department atanga Vehbur an khawn-ah Department 17 in an thawh tawh thu leh VC 6 ten an thawh tawh bawk thu tarlan niin, State sawrkar atanga Rs. 50,000/- an dawn tawh bakah Vehbur an khawn atang hian Rs. 84,000/- an hmuh tawh thu he hunah hian tarlan a ni. Hei bakah hian Sports Discipline hrang hrangte inbuatsaihna pawh he hunah hian ngaihthlak niin Mizoram State Games hawnna neih huna Serchhip Assembly Constituency Parade Contigent kaihruaitu tur chu District Sports Committee in lo thlang se an ti a. Serchhip bial aiawha tel turte tana Jersey buat-saih chu thla thar tir khian a tlangzarhna hun buatsaih nise an ti bawk. Nimin a hmalak dan tur hrang hrang an rel te bawhzui dan tur relin Vawiin ah OB thutkhawm neih leh nise an ti bawk.

Comments

Chhiar Hlawhte