Dialysis khawl leh HDU hawng

Health and Family Welfare Minister, Dr. R. Lalthangliana chuan Inrinni khan Champhai District Hospital-ah Dialysis khawl leh ICU tenau an tih mai, High Dependency Unit (HDU) chu a hawng.

Dialysis khawl leh HDU hawnna puala inkhawm Champhai District Hospital-a buatsaihah Health Minister chuan Dialysis  leh HDU bunfel ani ta chu Champhai District leh a chheh-vel khuate tana ni chhinchhiah tlak tak leh chan-chin lawmawm tak a ni, a ti a. Khawl tha leh changkang tak peihfel anih theihna kawnga Cham-phai North leh South bialtu MLA te thahnem-ngaihna fakawm a tih thu leh Champhai chu Aizawl atanga lam hla tak anih mai piah lamah ramri dep hmun pawimawh tak  anih angin sawrkarin a ngaipawimawhin a thlahthlam loh thu a sawi.

Khualzahawm Health & Family Welfare Board Vice Chairman, Dr. ZR. Thiamsanga pawhin Mizoram sawrkarin Health Ssector ngai-pawimawhin hun reilote chhungin hmasawnna ruhrel mamawh hrang hrangte tihlawhtling a ni, a ti a.  Champhai mipuite mamawh hriaa hmanraw tha chhawpchhuahsaktu Chief Minister leh Health Minister chungah lawmthu a sawi bawk.

Tuna hawn tak Dialysis Room-ah hian khawl pahnih a awm a, pakhat man hi Rs 7,84,000/- niin, Rs. 15, 68,000/- sen a ni a, hei bakah hian RO Plant Rs. 16,81,500 seng a siam a ni bawk a. Square Feet 895.77 a zauah bunfel niin, Dialysis Unit, RO Plant, Nursing Station, Changing Room leh mamawh dangte a awm a. A cheibawl nan  hian Rs  7,39,600 hman niin senso zawng zawng chu  Rs 42,38,608/-  a ni a, NEDP sum atanga siam a ni. High Dependency Unit (HDU) hi CSS kaltlanga siam, TRAUMA Center kentel pakhat niin, a zau zawng hi Square ft. 731.73 a ni a, hmanraw chi hrang hrang leinan Rs. 37,29,286/- sen niin,  khum panga (5) a awm a, a vaiin Rs. 41,21,286 /-  sen a ni.