Serchhip-ah Bank te hmalak dan thlirlet niin Compensate vangin CD ratio a hniam

Nimin khan Serchhip-ah District Consultative Committee (DCC)/District Level Review Committee (DLRC) & District Level Security (DLSC) Meeting chu District Bawrhsap, Sangchhin Chinzah hovin neih a ni a, Serchhip District chhunga Bank hrang hrangte hmalak dan thlirho a ni.

    Serchhip DC Meeting Room-a District Consultative Committee (DCC)/District Level Review Committee (DLRC) & District Level Security (DLSC) Meeting-ah hian kum 2019-20 Financial Year 2nd Quarter (July, August & September, 2019) chhunga Serchhip District chhunga hnathawh dan thlirlet niin Bank awmte loan pek dan thlirletna neih a nih bakah kum 2019-20 Financial Year chhunga sawrkar Scheme hrang hrang leh a pumpui atana Bank Loan pek tura ruahman pekchhuah a nih theih dan tur te sawiho a ni a. District Bawrhsap, Sangchhin Chinzah chuan Serchhip District chhunga Bank hrang hrangte hmalakna chu lawmawm thawkhat nia a hriat thu sawiin, Bank-a pawisa dahluh atanga Loan pekchhuah zat, CD Ratio chu tun Quarter-ah hian a hniam hle tih a sawi a. Hei hi National Highway-54 laihzauhna tur atana zangnadawmna semchhuah mipui ten bank-ah tam tham tak an dah avang leh loan pekchhuah a san chuan si loh vang nia a lan thu sawiin, hei vang hian tun tumah hi chuan CD Ratio hniam chhan hi ngaihhnathiam theih a nih thu a sawi bawk.
    He Meeting-a tarlan a nih danin tun Quarter hnuhnung berah hian Serchhip District-ah Bank chi hrang 4 awmin Bank Branch 15 a awm a, heng te hi Public Sector Bank Branch 4, Regional Rural Bank Branch 10 leh Co-operative Bank Branch 1 te a ni a. Heng Bank hrang hrangte hian he thla thum chhung hian sum dahluh cheng nuai 42,833.29 neiin Loan pekchhuah cheng nuai 14,780.92 an nei bawk a, CD Ratio chu 34.50% a ni. Hemi chhung hian Priority Sector-ah loan cheng nuai 9,153.56 pek niin Agriculture loan cheng nuai 3,353.24 pek a ni a, Crop Loan cheng nuai 418.03 pein Micro, Small and Medium Enterprises (MSME) hnuaiah Industry leh Business loan pawh cheng nuai 3076.62 pek a ni bawk a, September thla thlenga Annual Credit Plan (ACP) achivement chu 9.60 chauh a ni bawk.
    He Meeting-ah hian Chief Manager (Lead Bank), Lalnilawmi chuan Bank Account nei ten an Bank Account kaltlanga Insurance an tih theihna, kum khata Rs. 330/- pekna Pra-dhan Mantri Jeevan Jyoti Bima Yojana (PMJJBY) leh kum khata Rs. 12/- pekna, Pradhan Mantri Suraksha Bima Yojana (PMSBY) te chu mipui ten vanduaina an tawh thulha tang-kai tur a nih avangin tun aia nasa zawkin hmang in chhawr tangkai thei se a duh thu leh inhrilh darh zel a pawimawh thu a sawi bawk.

Comments

Chhiar Hlawhte