Lemziak intihsiakna lawmman sem a ni

Kawlphetha renchem inzirtirna atana School naupangte tana 'State Level Painting Competition on Energy Conservation' neih a titha te hnena lawmman semna chu nimin khan Chaltlang YMA Hall-ah Agriculture Minister, C. Lalrinsanga hovin neih a ni a. He intihsiakna hi Mizoram chhunga School hrang hrang 79-ah zirlai 2560 ten an hmachhawn hnuah a titha mi 96 ten State Level inelna hi an hmachhawn leh a. Zirlaite hi Group A leh Group B-ah then niin Group A-ah hian Class 4 atanga Class 6 zirlaite an tel a, Group B-ah Class 7 atanga Class 9 zirlaite an tel a ni.
He intihsiakna ah hian Group A-ah Lalremruati, Tuitha Veng Upper Primary School, Kolasib chu pakhatna niin Lalruatpuia, Kualmawi PES, Bilkhawthlir chu pahnihna leh Lalfaksanga Junior, Tuikhurhlu Upper Primary School chu pathumna an ni a. Group B-ah Ramthlanmawii, Tiny Tots Hr. Sec. School, Aizawl chu pakhatna niin H. Lalnunfela, Radiant Hearts School, Thingsulthliah chu pahnihna leh Hamida Kawsar, St. Henry’s School, Vairengte chu pathumna an ni bawk.

Comments

Chhiar Hlawhte