Nov. 26-ah Pandal sa dawn

Nakum February thla tawp-a Serchhip in KTP General Conference a dawn tur atana Pandal sak hna chu tun thla ni 26 khian thawh tan a ni dawn.

Nakum February thla tawp-a Serchhip in KTP General Conference vawi 58-na a thlen tur atana pandal sak dan tur ngaihtuah hian Inrinni zing khan Pandal Sub-Committee chu Pandal sakna tur hmun, LeisekawtMual-ah thukhawmin Pandal sak dan tur hi a sawiho a, he Conference neihna tur Pandal Structure rawn thleng tawh te remfela Pandal sak hna thawkin tun thla ni 26 khian hnatlang neiin Pandal sak hna hi thawh tan nise an ti a ni.

Pandal sak hnatlang neih chhunzawm dan tur pawh sawi nghal niin Pandal sak bul tan ni hian Pastor Bial tin atangin mi 100 theuh hnatlang tura beisei an ni a, hemi hnu hian he khawmpui thlengtu Pastor Bial pathum te a inchhawka hnatlang neih tura ruahman niin Bial chhunga Kohhran hrang hrang ten a inchhawkin hnatlang hi an nei dawn a ni. Tukin a Committee neih zawh a nih hnu hian Pandal dinna tur hmun te pawh enfiah nghal a ni bawk.