MR Teacher lak thar ten an hna an zawm fel ta

Mizoram sawrkar in Primary School leh Middle School-a thawk tura MR Teacher a lak hnuah Serchhip District chhunga post 8-a thawk tura lak te chuan an hna an zawm lo.

Mizoram sawrkar in MR Teacher a lak thar ah hian Ser-chhip District chhungah Primary School-a thawk tur mi 56 leh Middle School-a thawk tur mi 12, an vaiin mi 68 lak an ni a, heng mite hi Oct. 16, 2019 a\anga Engagement Card lachhuaka ni 15 chhunga an hna zawm tura tih an ni a. He hun-tiam hi a ral thlengin Middle School-a thawk tura lak2 leh Primary School-a thawk tura lak mi 6 te chuan an hna zawm an zawmlo a. Heng te hi a tlangpuiin School pakhat aia tama tling, duhthlan zawk neih a \ul avanga an hna zawm ta lo te an ni a, sawrkar in Panel List a siam te a\angin hnawhkhah leh tura ngaih a ni.

Serchhip SDEO hnuaiah Primary School a thawk turin MR Teacher mi 40 leh Middle School-a thawk tur mi 6 lak niin Primary School a thawk tur mi 3 leh Middle School-a thawk tur mi 1 te chuan an hna an zawmlo a. Thenzawl SDEO hnuaiah Primary School-a thawk tur mi 9 leh Middle School-a thawk tura lak mi 1 te chuan an hna an zawm vek thung a. North Van-laiphai SDEO hnuaiah Primary School-a thawk tur mi 17 leh Middle School-a thawk tur mi 5 ten an hna zawmin Primary School-a thawk tur mi 3 leh Middle School-a thawk tura lak mi 1 te chuan an hna hi an zawmlo thung a ni.