Siaha-a lei tlakhniamna hmun mithiam ten tlawh

AH&Vety Minister, Dr. K. Beichhua chuan nimin khan Siaha khawpui chhunga lei tlak-hniamna hmun hrang hrangte a enfiah.

Dr. K. Beichhua hian Home Minister, Lalchamliana hriatpuina in sawrkar laipui-ah Siaha District tan Project lian pathum- District Jail sak \hat, Amotlah leh Darzokai inkar kawngpui sial leh Siaha khawpui chhunga Sinking Area te chu thuneihtute hnenah a thlen a. Central sawrkara thuneitute chuan a ruala project lian 3 tih sak chu a harsat thu leh a tahtawlha tih a nih tur thu lo hrilhin hmalakna hmasa tur thlang turin an lo ti a. Hemi bawhzui hian nimin chawhma khan Siaha khawpui chhunga Sinking Area Preliminary Observation neih turin mithiam Geologist te chahchhuakin, Lei tlakhniamna hmun (Sinking Area) te hi a tlawhpui hlawm a ni.

Nimin a heng lei tlakhniamna hmun tlawhtute hi Dr. H. Lallenmawia, Senior Consultant, DM&R Department, GoM; Kenneth Chakma, Geologist, Geological Survey of India te, Dr. J.Malsawma, Asst.Professor, Mizo-ram University te leh Er. Lalbuatsaiha Hnamte, Zofa Consultancy Services te an ni a. Preliminary Observation report bawhzui hian Sawrkar laipui a\angin mithiam rual lo kalin, chipchiar zawkin Sinking Area hi an lo zir anga, chung report tlawhchhan chuan sawrkar laipui in DPR buatsaihin, Central lamah a thehlut dawn a ni.